ტემპერატურა - გაიზომეთ ორჯერ დღეში და ჩაინიშნეთ. სუნთქვა - დააკვირდით, ხომ არ იღლებით ისეთ აქტივობაზე, რაც გუშინ არ იწვევდა დაღლას. შეაფასეთ, ხომ არ გაქვთ ქოშინი მოსვენებულ მდგომარეობაში. არ გამოგრჩეთ, ნებისმიერი ახალი სიმპტომისგაჩენა. დააკვირდით, ხომ არ იმატებს ხველა ანხომ არ გაჩნდა ნახველი.

მაღალი რისკის მქონე კონტაქტი არის პირი, რომელიც თქვენთან ერთად იყო სიმპტომების გამოვლენამდე 48 საათის ინტერვალში ან სიმპტომების გამოვლენის შემდეგ. სარისკო კონტაქტია თუ იყავით ერთად დახურულ სივრცეში ხანგრძლივი დროით, ან გქონდათ 1 მეტრის ინტერვალით 15-წუთიანი და უფრო ხანგრძლივი კონტაქტი პირბადის გარეშე.

თუკი თქვენ, ან თქვენს ახლობელს გაქვთ: სუნთქვის გაძნელება ან ქოშინი. მუდმივი, ახლადგანვითარებული ტკივილი ან ზეწოლა გულმკერდის არეში. მწვავედ განვითარებული ცნობიერების დარღვევა ან გამოფხიზლების შეუძლებლობა. ტუჩების, სახის ან ფრჩხილების მოლურჯო შეფერილობა. შარდის რაოდენობის შემცირება. ფეხის მწვავედ განვითარებული შეშუპება. ძალიან მაღალი ცხელება, რომელიც სიცხის დამწევ საშუალებებს არ ემორჩილება. სისხლიანი ნახველი.

იყავით ცალკე ოთახში. საერთო სივრცეში გამოსვლამდე, გაიკეთეთ პირბადე და ხელთათმანები. მოხმარების შემდეგ, დაასუფთავეთ აბაზანა და ტუალეტი სადეზინფექციო ხსნარით. შხაპის მიღება და ჰიგიენური პროცედურები ჩაატარეთ ჩვეულებრივად. პირსახოცი შეინახეთ განცალკევებით. კბილის ჯაგრისი განათავსეთ განცალკევებით. გამოყავით თქვენი პირადი ჭიქა, თევში, დანა-ჩანგალი ან გამოიყენეთ ერთჯერადი ჭურჭელი. დაასუფთავეთ ყველაფრის ზედაპირი, რასაც ეხებით. ხშირად დაიბანეთ ხელები.

დაავადების უსიმპტომო მიმდინარეობისას, დადასტურებიდან 8 კალენდარული დღის შემდეგ, განმეორებითი ტესტირების გარეშე, ჩაითვლებით გამოჯანმრთელებულად. მკაცრად რეკომენდებულია დასრულებიდან 5 დღის განმავლობაში ნიღბის გამოყენება. მსუბუქი სიმპტომებით მიმდინარეობისას გამოჯანმრთელებულად ჩაითვლებით, დადასტურებიდან 8 კალენდარული დღის შემდეგ, უსიმპტომოდ ყოფნის 24 საათიანი პერიოდის შემდეგ. 5 დღის განმავლობაში ნიღბის ტარება მკაცრად რეკომენდებულია. საშუალო და მძიმედ მიმდინარე დაავადებისას პაციენტი ექვემდებარება იზოლაციას მინიმუმ 10 კალენდარული დღის განმავლობაში. ამასთან ერთად, უნდა შეინიშნებოდეს სიმპტომების მკვეთრი გაუმჯობესება უკანასკნელ 24 საათში.